Տակտիկական ուսումնավարժություն

Սույն թվականի հունիսի 9-ին «Միջազգային էներգետիկ կորպորացիա» ՓԲ ընկերության «Քանաքեռ» հիդրոէլեկտրակայանում ՀՀ արտակարգ իրավիճակների նախարարության ԵՓՎ թիվ 5 ՀՓՋ-ի 2-րդ խմբի հետ համատեղ անցկացվել է «Հրդեհաշիջման աշխատանքների կազմակերպումը և իրականացումը Քանաքեռ-ՀԷԿ-ի շենքում» թեմայով համատեղ հատուկ տակտիկական ուսումնավարժություն։ Հատուկ տակտիկական ուսումնավարժությունն անցկացվել է 3 փուլով, և իրականացվել են. վարժանքի մասնակիցների ազդարարում, հավաք և պարտականությունների իրականացում` համաձայն հրդեհաշիջման օպերատիվ պլանի, կայանի անձնակազմի կողմից հրդեհաշիջման առաջնային միջոցներով հրդեհի մարման աշխատանքներ, հրդեհաշիջման աշխատանքներ: Անցկացված հատուկ տակտիկական ուսումնավարժության արդյունքում. կատարելագործվել է «Քանաքեռ» ՀԷԿ-ի անձնակազմի և թիվ 5 ՀՓՋ օղակների գործնական ունակություններն էլեկտրաէներգետիկական օբյեկտներում ծագած հրդեհի համատեղ հրդեհաշիջման ժամանակ, բարձրացվել է «Քանաքեռ» ՀԷԿ-ի անձնակազմի անվտանգության ապահովման պատրաստվածությունը, կատարելագործվել է հրդեհների ժամանակ ուժերի և միջոցների ղեկավարման գործընթացը, ստուգվել է «Քանաքեռ» ՀԷԿ-ի հերթափոխի և թիվ 5 ՀՓՋ օղակների պատրաստվածության աստիճանը` իրենց առջև դրված հրշեջ-մարտավարական խնդիրների լուծման ուղղությամբ։ Ուսումնական հարցերով նախատեսված բոլոր միջոցառումներն իրականացվել են, որի արդյունքների վերաբերյալ տրվել են համապատասխան ցուցումներ։